Pusang Kalye
Dal’wang pusa sa lansangan,
Naroon sapagkat walang tahanan:
Ni walang mapagtaguan kapag umuulan,
Ni walang pansangga pag nasagasaan.
Dal’wang pusa sa lansangan,
Doon na rin ang pook ng lambingan,
Sapagkat wala namang mapuntahan:
Kahit maging tampok sa usap-usapan.
Dal’wang pusa sa lansangan,
Mayroon ba kayang masisilungan?
Palaging rito na lamang ang tagpuan,
Dal’wang pusang walang tahanan.
No comments:
Post a Comment