Sagutan
Pag-ibig ko sayo’y parang puso,
Sa bawat tibok, hatid nito’y pulso,
Sa bawat pulso, nabubuhay ako.
Pag-ibig ko sayo’y parang poso,
Kung may pantulak, ito’y aagos,
Kung walang tutulak, ito’y unos.
Pag-ibig ko sayo’y totoo,
Kaya’t wagas ang aking sakripisyo,
Maipadama lamang ito sa’yo.
Pag-ibig ko sayo’y tabo,
Sasalok kung kailan ko gusto,
Hahagod kahit pag ayaw mo.
Pag-ibig ko sayo’y parang dugo,
Dumadaloy sa aking katawan,
Bagamat minsan, nasasaktan.
Pag-ibig ko sayo’y parang daga,
Nakikikain at nakikitira,
Wala ka namang magagawa.
Pag-ibig ko sayo’y parang bala,
Lalo na ‘pag ito na’y naikasa,
Dahil sa pagputok, wala na.
No comments:
Post a Comment